റസൂൽ (സ) യും അലിയും (റ)ഈത്തപ്പഴക്കുരുവും
ധാരാളമായി പ്രഭാഷകന്മാർ പറയാറുള്ളതും ലേഖനങ്ങളിൽ വരാറുള്ളതുമായ കഥയാണിത്.
റസൂൽ(സ)അത്യാവശ്യം തമാശ ഒക്കെ ആസ്വദിച്ചിരുന്നു എന്നത് വാസ്തവമാണ് അതിനു തെളിവായി പറയുന്ന ഈ കഥക്ക് യാതൊരു അടിസ്ഥാനവുമില്ല. കഥ ഇങ്ങനെയാണ്‌

ഒരിക്കൽ നബി(സ) തന്റെ അനുചരന്മാരോടൊപ്പം ഈത്തപ്പഴം തിന്നുകയായിരുന്നു. തിന്നുകൊണ്ടിരിക്കെ അദ്ദേഹമൊരു കുസൃതിയൊപ്പിച്ചു. കുരു മുഴുവന്‍ അലിയുടെ മുമ്പിലേക്ക് നീക്കിവെച്ചു. എന്നിട്ട് അത്ഭുതം പ്രകടിപ്പിച്ചുകൊണ്ട് പറഞ്ഞു: ‘ആഹാ, നിങ്ങള്‍ ഒരുപാട് ഈത്തപ്പഴം തിന്നുവല്ലോ? എത്രമാത്രം കുരുവാണിത്?’ അലിയല്ലേ ആള്‍. വാളുകൊണ്ടല്ല വാക്കുകൊണ്ടും പൊരുതാനറിയാവുന്ന പടയാളി. അലി പറഞ്ഞു: ‘ഞാന്‍ ഈത്തപ്പഴം മാത്രമേ തിന്നുള്ളൂ. നബിയെപ്പോലെ കുരുവും തിന്നില്ല.’ അങ്ങനെ അലി ശരിക്കും നബിയെ തോല്‍പിച്ചു. നബിയാകട്ടെ അതാസ്വദിക്കുകയും ചെയ്തു.

ഈ സംഭവത്തിന്‌ യാതൊരു അടിസ്ഥാനവും ഇല്ല, സ്വഹീഹായോ ദുർബലമായോ, ഒരു ചരിത്ര ഗ്രന്ഥത്തിലോ, ഹദീസ് ഗ്രന്ഥത്തിലോ ഈ സംഭവം റിപ്പോർട്ട് ചെയ്യപ്പെട്ടിട്ടില്ല എന്നാണ് ഉലമാക്കൾ ഈ വിഷയത്തെ കുറിച്ച് പറഞ്ഞിട്ടുള്ളത്.
പലരും ഉറവിടം അറിയാതെ ഈ കഥ പറഞ്ഞു കൊണ്ടിരിക്കുന്നു.റസൂൽ( സ ) പറഞ്ഞു,ചെയ്തു എന്നൊക്കെ പറയണമെങ്കിൽ ഉറവിടം നിര്ബന്ധമാണ്.
ഇത് പോലുള്ള കഥകൾ ഉദ്ദരിക്കുന്നവർ ഇതിന്റെ റഫറൻസ് കൂടി കൂടെ നൽകിയാൽ കാര്യങ്ങൾ തീരുമാനമാവും 

https://islamqa.info/ar/answers/144326/%D9%85%D8%A7-%D8%B5%D8%AD%D8%A9-%D8%AD%D8%AF%D9%8A%D8%AB-%D8%A7%D9%84%D8%AA%D9%85%D8%B1-%D9%88%D8%A7%D9%84%D9%86%D9%88%D8%A7%D8%A9-%D9%81%D9%8A-%D8%A8%D8%A7%D8%A8-%D9%85%D8%B2%D8%A7%D8%AD-%D8%A7%D9%84%D9%86%D8%A8%D9%8A-%D8%B5%D9%84%D9%89-%D8%A7%D9%84%D9%84%D9%87-%D8%B9%D9%84%D9%8A%D9%87-%D9%88%D8%B3%D9%84%D9%85